នៅថ្ងៃចន្ទ ១៣កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ៣១ ខែសីហា ឆ្នាំ ២០២០ ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ ព្រឹទ្ធសភា បានអនុញ្ញាតឲ្យ ឯកឧត្តម យង់ ពៅ អគ្គលេខាធិការាជបណ្ឌិត្យកម្ពុជា តំណាងឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យ សភាកម្ពុជា និងក្រុមការងារ ធ្វើការជួបសម្ភាសផ្ទាល់ជាមួយ ឯកឧត្តមកិត្តិនីតិកោសលបណ្ឌិត ដើម្បីរៀបចំគុណកថាលម្អិតសម្រាប់ពិធីប្រកាសគោរមងារ កិត្តិយសដែល ព្រះករុណា ព្រះបាទសម្តេចព្រះបរមនាថ នរោត្ត សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាហឫទ័យត្រាស់បង្គាប់គោរមងារកិត្តិយស នៃរាជបណ្ឌិតសភាកម្ពុជា ជា “កិត្តិនីតិកោសលបណ្ឌិត” នៅបន្ទប់ប្រជុំឯកឧត្តមកិត្តិនីតិកោសលបណ្ឌិតអនុប្រធានទី១ ព្រឹទ្ធសភា ។